إية أحساسك لما تكون بتتكلم مع اتنين أوثلاثة من صحابك أو حتى مجموعة وفجأة يفتكر حد من إللي بيسمعوك حاجة أوكلمة فيقاطع كلامك ويقولها؟.. كدة من غير إحم ولادستور، ولو كان إلي افتكره أو حب يقوله متعلق بنفس الكلام إلي بتتكلموا فيه يمكن كانت مقاطعته تبقى مقبولة شوية بالرغم من إنه معتذرش لإنه هيقطع كلامك وهيشتت اللي بيسمعك.. بس معلش صاحبك على عيبه... إنما تقول إيه لو كان الكلام الملح ده ملوش أي علاقة من قريب او بعيد بكلامك او بشخصك؟؟
شوف بقى صاحبك إللي قاطعك ده عمل إية:
لما حصلي الموقف ده مع صاحبتي الأنتيم أول ماعرفتها معلقتش وقلت في نفسي معلش يمكن عشان لسة بنعرف بعض حابه تحكيلي كتير عن حياتها وإللي بتفتكره بتقوله وبلاش احرجها وانا لسه عارفاها .. بس لما الموقف ده اتكرر لدرجة تخنق وفعلاً مبقتش بركز في اي حاجة بقولهالها ووصل الموضوع بيا لدرجة إني مبقتش عايزه احكيلها حاجة اعتقاداً مني انها مش مهتمه باللي هقوله مهما كان وبالتالي مش مهتمه بصداقتي وده كان مضايقني جداً لأن أفعالها وتصرفاتها معايا كانت بتدل على العكس وكانت حابه صداقتي ومراعياها، طب إيه ؟؟.. مينفعش نكون أصدقاء من طرف واحد!!.. يعني مينفعش اسمعلها بمنتهى التركيز والاهتمام واشاركها الحوار في إللي يخصها واتفاعل معاها في مشاكلها وأفراحها وهي مش عارفه عني غير الخطوط العريضة لحياتي.
فقررت إني اتكلم معاها في الموضوع ده، وجيت في يوم وانا باحكيلها على موقف حصلي في الشغل يومها لقيتها كالعادة بتقاطعني وبتقول ملاحظة على حاجة خايبة وملهاش أي علاقة باللي بقوله.. سكت خالص ودورت وشي ومعلقتش على إللي قالته فسألتني بمنهى البراءة: مالك؟!... قلتلها:أنا عايزه اتكلم معاكي في موضوع بس متقاطعنيش خالص .. قالتلي: ماشي ويعني هو انا بقاطعك؟!!!!!!!!!!!!!!!!!!
استعذت يالله من الشيطان الرجيم لأن إللي فكرت في إنه أعمله فيها مش هيدخلني تحت طائلة القانون لأ ده هيدخلني جهنم حدف.. المهم كلمتها في حكاية مقاطعتها لكلامي في اي حاجة أحكيها وفهمتها أد إيه ده بيزعلني ومخليني مش عارفه احكيلها حاجة ولا اتكلم معاها زي اي صديقتين مابيكون بينهم مشاركة في حاجات كتير لأني حتي لو ادتني الفرصة للكلام فأنا خلاص بقيت عارفه إني مش هكمل إللي هقوله فمش بقوله أصلاً، وقلتلها إن ده بيدل على عدم اهتمامها بكلامي وعدم تركيزها معايا زي ما بكون انا معاها، وسألتها أنا عمري قاطعت كلامك؟ فكرت شوية وبعدين قالت: لأ.
تفتكروا كان ردها إيه؟؟.. قالتلي انها غصب عنها لما بتفتكر حاجة بتحب تقولها على طول لحسن تنساها بعد ماأخلص كلامي!!.. يعني أولع أنا عشان سيادتك افتكرت لون فستان إليسا إللي شوفتيه امبارح وعايزة تقوليلي عليه ونسيتي إني بكلمك في حاجة تخص حياتي أو سر عايزه أئتمنك عليه؟؟ .. ما أحنا هنشوف الست إليسا تاني وتالت وأكيد هتفتكري الفستان ساعتها لو نسيتيه دلوقت, لكن إللي بقولك عليه مش هقوله تاني حتى لو افتكرت لأنك أظهرت عدم اهتمامك بيه.
على فكرة صاحبتي دي انا باحبها جدا وربنا إلي عالم والحمدلله صداقتنا مستمرة لحد دلوقت ويارب تفضل العمر كله، بس الغرض من القصة دي إني أفهم أي حد بيقاطع إللي بيتكلم إنه يفكر فيه شوية ويفكر لو هو مكانه هيحب حد يقاطعه ويحرجه ويحسسه إنه واقف لوحده تحت بلكونة واحدة مقشره جمبري وحبت تعرف الشارع؟؟.. ماعتقدش.
شوف بقى صاحبك إللي قاطعك ده عمل إية:
- أولاً: مقاطعته لكلامك معناها انه مش سامعك أساسًا ولا مركز انت بتدن في انهي مالطا!
- ثانيا: احرجك قدام إلي قاعدين والاهم إنه أحرجك قدام نفسك لإنه حسسك بطريقة مباشرة إن كلام سيادتك زي تصريحات الحكومة..لاحد عايز يسمعها ولايفكر فيها لو سمعها غصب عنه!
- ثالثاً: شتت انتباه إللي باقي من أصدقاءك واحتمال كبير إن إللي قاله يدخلكوا في حوار تاني خالص فتنسى انت كنت بتتكلم في ايه من الأول ولو افتكرت هتكون محرج انك تفكر إلى قاعدين وتحاول تستأنف كلامك لإنك هتفكر بينك وبين نفسك إنهم يمكن ماكانوش عايزين يسمعوا أصلاً أو مش منتبهين زي صاحبك إياه وانك تقلت عليهم بكلامك ومش هتحب تحط نفسك في الموقف ده تاني.
لما حصلي الموقف ده مع صاحبتي الأنتيم أول ماعرفتها معلقتش وقلت في نفسي معلش يمكن عشان لسة بنعرف بعض حابه تحكيلي كتير عن حياتها وإللي بتفتكره بتقوله وبلاش احرجها وانا لسه عارفاها .. بس لما الموقف ده اتكرر لدرجة تخنق وفعلاً مبقتش بركز في اي حاجة بقولهالها ووصل الموضوع بيا لدرجة إني مبقتش عايزه احكيلها حاجة اعتقاداً مني انها مش مهتمه باللي هقوله مهما كان وبالتالي مش مهتمه بصداقتي وده كان مضايقني جداً لأن أفعالها وتصرفاتها معايا كانت بتدل على العكس وكانت حابه صداقتي ومراعياها، طب إيه ؟؟.. مينفعش نكون أصدقاء من طرف واحد!!.. يعني مينفعش اسمعلها بمنتهى التركيز والاهتمام واشاركها الحوار في إللي يخصها واتفاعل معاها في مشاكلها وأفراحها وهي مش عارفه عني غير الخطوط العريضة لحياتي.
فقررت إني اتكلم معاها في الموضوع ده، وجيت في يوم وانا باحكيلها على موقف حصلي في الشغل يومها لقيتها كالعادة بتقاطعني وبتقول ملاحظة على حاجة خايبة وملهاش أي علاقة باللي بقوله.. سكت خالص ودورت وشي ومعلقتش على إللي قالته فسألتني بمنهى البراءة: مالك؟!... قلتلها:أنا عايزه اتكلم معاكي في موضوع بس متقاطعنيش خالص .. قالتلي: ماشي ويعني هو انا بقاطعك؟!!!!!!!!!!!!!!!!!!
استعذت يالله من الشيطان الرجيم لأن إللي فكرت في إنه أعمله فيها مش هيدخلني تحت طائلة القانون لأ ده هيدخلني جهنم حدف.. المهم كلمتها في حكاية مقاطعتها لكلامي في اي حاجة أحكيها وفهمتها أد إيه ده بيزعلني ومخليني مش عارفه احكيلها حاجة ولا اتكلم معاها زي اي صديقتين مابيكون بينهم مشاركة في حاجات كتير لأني حتي لو ادتني الفرصة للكلام فأنا خلاص بقيت عارفه إني مش هكمل إللي هقوله فمش بقوله أصلاً، وقلتلها إن ده بيدل على عدم اهتمامها بكلامي وعدم تركيزها معايا زي ما بكون انا معاها، وسألتها أنا عمري قاطعت كلامك؟ فكرت شوية وبعدين قالت: لأ.
تفتكروا كان ردها إيه؟؟.. قالتلي انها غصب عنها لما بتفتكر حاجة بتحب تقولها على طول لحسن تنساها بعد ماأخلص كلامي!!.. يعني أولع أنا عشان سيادتك افتكرت لون فستان إليسا إللي شوفتيه امبارح وعايزة تقوليلي عليه ونسيتي إني بكلمك في حاجة تخص حياتي أو سر عايزه أئتمنك عليه؟؟ .. ما أحنا هنشوف الست إليسا تاني وتالت وأكيد هتفتكري الفستان ساعتها لو نسيتيه دلوقت, لكن إللي بقولك عليه مش هقوله تاني حتى لو افتكرت لأنك أظهرت عدم اهتمامك بيه.
على فكرة صاحبتي دي انا باحبها جدا وربنا إلي عالم والحمدلله صداقتنا مستمرة لحد دلوقت ويارب تفضل العمر كله، بس الغرض من القصة دي إني أفهم أي حد بيقاطع إللي بيتكلم إنه يفكر فيه شوية ويفكر لو هو مكانه هيحب حد يقاطعه ويحرجه ويحسسه إنه واقف لوحده تحت بلكونة واحدة مقشره جمبري وحبت تعرف الشارع؟؟.. ماعتقدش.
لو حد عمل فيكى كده اكيد ميقصدش لانك من اجمل الشخصيات اللى ممكن الواحد يعرفها
ردحذف